Pasakalye sa sistemang bulok ng mga Reyes ng Marinduque

Si Regina Ongsiako Reyes alias Regina Victoria Reyes-Mandanas ay itinalaga ng ina nitong governadora Carmencita O. Reyes bilang Executive Assistant for Information and Public Relations sa Provincial Governor's Office (PGO) mula April 16, 2012 HANGGANG SA KASALUKUYAN bagamat siya ay kandidato na mandin ng Liberal Party bilang Representante ng Marinduque. (May kaso ng cancellation of CoC sa Comelec ang kandidatong ito dahil siya diumano ay isang U.S. citizen at iba pang mga kasinungalingan sa sinumpaang CoC).

Ayon sa contract of service, 'Free of Charge' kuno ang nabanggit na posisyon ni Regina O. Reyes. Sa totoong buhay laang naman, kapit-tuko ang mga ito sa posisyong anuman sa gobyerno dahil sa malaking kapakinabangan kahit mistulang taliwas ito sa alituntunin ng Comelec. Hawak pa rin nito ang posisyon.

Samakatuwid ay bawal. Walang humpay naman ang pag-gamit ni Regina sa pananalapi ng gobyerno, mga ekwipo at mga sasakyan, mga empleyado ng kapitolyo ng Marinduque, at mga proyekto/programa ng Provincial Government na inaako niyang kaniya o siya ang may pakana para isulong ang kanyang kandidatura. Libreng sakay para sa sarili, free ride sa maagang pagkampanya at libreng mga pakain pa mandin sa mga pobreng gasabing Reyes ang abotos.

Kasama na sa mga programang inasabi ang medical assistance, employment assistance, at scholarship program ng gobyerno.

Sa mga pangangailangang ito ng mga mahihirap at api, ay kailangang ideklara muna ng mga pobreng nangangailangan ng tulong, bago pa man sila mabigyan ng tulong, ambon o pangako, ang nag-iisang bagay. Ito ay ang kanilang pagsuporta kay "Nanay at Ate Gina". Ito ay kailangang lagdaan nila sa isang application form na may nakasaad pang kailangangan nilang pangalanan ang hindi bababa sa 20 tao na kanilang "himukin o hikayatin na sumama" sa mag-ina. Ganun ang nakasaad, basahi sa ibaba.

Kailangang makumbinsi rin ng mga pobre ang mga nakatalagang tagapagtanong na itinalaga ng mga Reyes sa kapitolyo ng Marinduque tungkol naman sa mga botanteng ahikayatin nila.




Mababasa sa 'personal information sheet' (itaas) tungkol sa paghiling ng tulong ng Kapitolyo sa pagpapagamot, trabaho, at scholarship ang ganitong kautusan bilang kapalit:
"Isulat ang at least 20 mga pangalan ng mga tao na pwede mong himukin o hikayatin na sumama sa magandang layunin ng ating lalawigan sa pamamagitan ni Nanay at Ate Gina".
Paano niya nagagawa ang ganito ng walang humpay sa kabila ng mga pagbatikos mula nung una pa? Ang mga Reyes baga na naghari at nagreyna sa Marinduque sa higit apat (4) na dekada ay masasabing mga manhid? Malamang ano? Ganito baga ang epekto diumano ng mga ganid sa kapangyarihan? Malamang din ano?

Hayaan na laang mageksplika ang mga dokumento. Basahi.

Tseke ng Provincial Government of Marinduque kay Regina Victoria Reyes-Mandanas na may petsa February 20, 2013,  para sa "refund of over withheld tax compensation for the Taxable year 2012".

Ikatlo at ikaapat na pagpapakasal ni Regina O. Reyes sa ibat-ibang lalaki ay bawal sa Pilipinas at bawal din ng Simbahan

Kaso Bilang 2d Civil No. B215206 (Super Ct. No. SC031472), VENTURA COUNTY

Sa dokumentong ito sa itaas tungkol sa kasong isinampa laban kay Regina Ongsiako Reyes ng kanyang IKATLONG ASAWA na si Saturnino Roy Ador Dionisio, makikita ang impormasyon na sila ay ikinasal noong June 1997 at naghiwalay sila noong 2001. 

Ayon din dito ang usapin sa mga pagbabahagi ng pag-aari ay hindi pa naresolba. Ang isa sa kanilang negosyo ay may kinalaman sa long distance telephone service mula USA at Pilipinas sa pamamagitan ng Pacific Communication Network na nakarehistro sa ilalim ng batas ng State of Delaware. Basahi dini. 

Sa kanyang Certificate of Candidacy ay idineklara pala ni Regina O. Reyes na siya ay walang asawa o "SINGLE". Laking reklamo naman pala ni Cong. Mandanas ng Batangas na nagsabing sila raw ay kasal din. Kapag pinatunayan ni Mandanas na sila ay kasal, nangangahulugan maliwanag na apat na beses ikinasal si Regina sa apat ding lalaki. Bawal ito sa batas ng Pilipinas ngani mandin baya.

Kanselasyon ng CoC ni Regina Reyes ng Marinduque

Saturday,  March  9,  2013 

Forecast | Maps | Radar

• HOME
• Balita
  • Probinsya
  • Dagdag Balita
  • Daigdig
  • Balitang Cute
  • Kalusugan
• Showbiz atbp.
  • Readers Corner
  • PRANGKAHAN
  • Blind Item
  • Bibliophile
  • VERY WELL NOEL
  • Tourism
• Sports
  • Boxing
    • Pacquiao
  • Basketball
    • PBA
    • NCAA
    • NBA
    • UAAP
  • Tiyempista
  • Tennis
  • Billiards
  • Volleyball
  • Chess
  • Soccer
  • Golf
  • Baseball
  • Badminton
  • Obertaym
  • Athletics
  • Olympics
• Opinyon
  • Editoryal
  • Pagtanaw at Pananaw
  • Maganda ang Buhay
  • Punto for Punto
  • Sentido Komun
  • Mabuting Balita
  • Kasangga
  • Sandali Lang
  • Klasrum
  • Bulong at Sigaw
  • Caritas
  • Pahina Siyete
  • Pananaw ni Manny V
  • Senor Senador
  • Pananaw
• Libangan
  • Bangungot
  • Hulascope
  • MAGKASUKAT
  • 'WANAKOSEY
  • Komiks
    • Laman Lupa
  • Palaisipan
  • Sudoku Loco
  • August
• Blog
  • Technology

MANILA BULLETIN

TEMPO

 

Home » Balita » Comelec, binaha ng disqualification case

Comelec, binaha ng disqualification case

0

Ni Raymund F. Antonio/ Manila Bulletin

Isang araw matapos ianunsiyo ng Commission on Elections (Comelec) na inalis na nito ang P10,000 filing fee sa disqualification case, binaha naman kahapon ang ahensiya ng mga petisyon na nagpapadiskuwalipika ng mga kandidato na tumatakbo sa May 2013 elections base sa iba’t ibang dahilan.

Kabilang sa mga dahilan sa pagpapadiskuwalipika ng ilang mga kandidato ay ang pagkakasintensiya sa isang krimen o pagiging isang foreign citizen.

Sa Marinduque, hiniling sa Comelec na kanselahin ang certificate of candidacy (CoC) ni Regina Ongsiako Reyes na tumatakbo sa pagkakongresista ­ dahil siya umano ay isang American citizen.

Ang reklamo laban kay Reyes ay inihain ni Joseph S. B. Tan, isang rehistradong botante ng Torrijos.

Ayon kay Tan, nakuha ni Reyes ang US citizenship noong 2005 at ito ay nagmamay-ari ng US Passport No. 306278853.

“Reyes did not apply for dual citizenship, and even if she did, there is no record that she renounced her US citizenship,“ ani Tan.

“Again, this is a ground for cancellation of her CoC since she was a permanent resident of the United States prior to her grant of US citizenship,“ dagdag ni Tan.

Nagpahayag ng pangamba ang Comelec na posibleng marami pa ang maghahain ng disqualification case dahil hindi na kailangang bumunot pa sa bulsa ng P10,000 ang mga maghahain ng petisyon laban sa isang kandidato.

Regina Reyes, Cong Mandanas at Exodus 23:1-2

Mandanas, Regina Reyes-Mandanas /Regina O. Reyes

Ayu! Nagsalita na pala si Cong. Mandanas ng Batangas sa Kongreso bilang tugon sa privilege speech ni Cong. Velasco. Sabi ni Mandanas: “Incidentally, Atty. Regina O. Reyes is my canonical spouse, Mr. Speaker.” – Cong. Mandanas.

Ayu! Hindi pinaliwanag ni Mandanas kung bakit “SINGLE” ang nilagay ni Regina O. Reyes sa kanyang CoC? Hindi rin binanggit ang legal na basehan, dahil wala ngani, sa pag-gamit ng “Regina Reyes-Mandanas” bilang Provincial Administrator. Simple laang mandin yun. Ay di ilabas ang marriage contract. Ilabas ng kapitolyo para patunayan na may prinisinta si Gina bago siya ma-appoint na administrator bilang isa lamang sa maraming rekisitos.

Pero kapag may nilabas namang marriage contract ay maaaring lalong mabaon ang mga kinauukulan. Bakit kamo?

Mga kasal ni Regina O. Reyes:

Kasal si Regina Reyes kay Magdaleno Pena sa Pilipinas. Kinasal din si Regina Reyes kay Eddie Avellana sa Estados Unidos. Na-divorce sila noong December 4, 1996. Kinasal namang muli si Regina kay Saturnino Dionisio noong June 5, 1997. Na-divorce sila noong  May 1, 2002.

Ano naman ang legal na basehan ng kasal diumano nina Regina Reyes at Cong. Mandanas? Ano ang legal na basehan sa pag-gamit ni Regina ng pangalang “Regina Reyes-Mandanas” na idineklara niya para maging miyembro ng Congressional Spouses of the Philippines? Bakit hindi sagutin at puro paligoy-ligoy pa? "Canonical spouse"? Baka wari magalit lalo ang Opus Dei, Mr. Mandanas.

Hindi daw bad faith ang pag-gamit ng pekeng birth certificate:

Tungkol sa iba’t-ibang taon ng kapanganakan na ginamit ni Regina O. Reyes at pinatunayan under oath, ito ang pahayag ni Mandanas: “Probably it falls under the vanity of a woman but with no bad faith”, sabi ni Mandanas.

“No bad faith” na maituturing ang magpresenta ng pekeng birth certificate sa Comelec? “No bad faith” ang makakuha ng pasaporteng Pilipino gamit ang pekeng birth certificate bilang karagdagan sa iba pang passport gamit naman ang iba pang birth certificate?

“No bad faith” din ang gamitin ang ibang petsa ng kapanganakan sa iyong mga kasal? At wala pa namang dibursyo sa Pilipinas, meron baga? Kayat “KASAL” sa una o ikalawa o ikatlong asawa ang Regina dahil hindi tanggap ang dibursyo sa Pilipinas. Kasal pa diumano sa ikaapat (Mandanas). May tawag yata sa taong paulit-ulit ikinakasal.

“No bad faith” ang magpalsipika ng isang pampublikong dokumento? Maari na nating gawin ngayon ang mag-falsify ng public document at gamitin ang “vanity” bilang argumento? Aling batas kaya ang naipasa ni Mandanas na may ganitong patakaran?

Isang mambabatas at isang gustong maging mambabatas ang sangkot dito, kababayan. Hindi kaya masasabing ito ay malaking panglilinlang sa mga Pilipino?

US Citizenship ni Regina O. Reyes:

Sa pagiging US Citizen ni Regina Reyes, ito ang sabi ni Mandanas:

“At one time, she acquired US citizenship, and within one year, she acquired back her Philippine citizenship under the Dual Citizen Law.”, sabi ni Mandanas.

Lalo nganing mababaon ang magasabi ng hindi totoo. Sabi sa Exodus 23:1-2: 1 "Huwag kang magkakalat ng kasinungalingan: huwag kang makikipagkayari sa masama, na maging saksi kang sinungaling. 2. Huwag kang susunod sa karamihan na gumawa ng masama; ni magbibigay patotoo man sa isang usap, na ang kiling ay sa karamihan upang sirain ang kahatulan." Hindi totoo ang tinuran ng ating mambabatas. Patotoo ang record ng Bureau of Immigration sa mga pagbalik-masok ni Regina O. Reyes sa Pilipinas gamit ang US passport niya mula 2005-2012. Mga walong taong singkad iyon, kaibigan. Wala ring patunay na nag-apply ng Dual Citizenship si Regina, at higit walang record na siya ay nag-renounce ng US Citizenship. Kung paano nagkaroon ng higit sa isang pasaporteng Pilipino ang taong ito na may ibat-ibang petsa ng kapanganakan ay may hiwalay na istorya ng panghuhuwad. Nanatiling tahimik diumano si Ate Gina sa usapin ng US Citizenship mula nang may nag-petition sa Comelec na ipawalang bisa ang kanyang CoC dahilan nga po sa pagbibigay ng mga maling impormasyon na tinataguriang material information. Kapag ito ay sinuway ay mahuhuli ka. Kapag mayron namang pumiyok ngani at “maging saksi kang sinungaling” ay baka lalong umusok mandin. Bawal sa Diyos iyan.

Regina Reyes 'Congressional bet hinarang sa Comelec'

Yan na ngani!
Congressional bet hinarang sa Comelec

ABANTE Una sa Balita page 3

Hiniling sa Comelec na kanselahin ang certificate of candidacy (CO) ng isang congressional candidate sa Marinduque dahil sa citizenship nito.

Sa dokumentong isinampa sa Comelec ni Joseph S.B. Tan, botante sa bayan  ng Torrijos, sinabi nito na American citizen umano ang kadidatong si Regina Ongsiako Reyes.

Ayon kay Tan, ang kandidatura ni Reyes ay paglabag sa Section 6, Article VI ng Konstitusyon at Section 74 ng Omnibus Election Code (OEC).

Dapat umanong kanselahin ang COC ni Reyes dahil nakakuha ito ng US citizenship noong 2005 at naisyuhan ng US passport No. 306278853, kung saan inaamin nito na siya ay citizen ng Amerika.

“Based on the certification issued by Acting Chief Simeon L. Sanchez of the Verification and Certification unit  of the Bureau of Immigration (BI) dated January 22, 2013, the records of the bureau reveal that Reyes first used her US passport on October 14, 2005 when she left the Philippines and she used said passport several times up to June 30, 2012 when she left the country fro the US,” ani Tan.

Hindi rin naman umano nag-apply ng dual citizenship si Reyes.

Abante Pebrero 7, 2013

Sa Page 3 ng Abante

Kinuwestyon din ni Tan ang ‘single’ entry sa civil status ni Reyes dahil kasal umano ito, gayundin ang birth date ng huli kung saan idineklara nito ‘under oath’ na ipinanganak siya noong June 3, 1964, ngunit sa public records ay July 3, 1959. (Aries Cano)

Simbahan kontra sa Political Dynasty!

Abante News Online :: Philippines | National News

Simbahan lumarga na vs political dynasty

Hinikayat ng Simbahang Katoliko ang mga botante na huwag piliin sa eleksyon ngayong Mayo at huwag bigyan ng tsansang maka-eksena sa serbisyo-publiko ang mga kandidatong nahahanay sa political dynasty.   

Nilalagyan na ng iba't ibang kulay ng lalaking ito ang kanilang mga ginagawang dragon sa Binondo, Manila na gagamitin sa pagdiriwang sa Chinese New Year. (Jonas Sulit)

Sinabi ni Father Joe Dizon, lead convenor ng Solidarity Philippines at grupong Kontra Daya, na ang hindi pagboto sa mga kandidatong kabilang sa political dynasty ay isang paraan para maipamukha ng taumbayan na tutol sila sa mga naghaharing angkan ng mga pulitiko.   

"…naniniwala ang So­lidarity Philippines at Kontra Daya na ang political dynasty sa ating bansa ay dapat itigil at 'yan ay nasa ating Konstitusyon.

Batay sa pag-aaral namin lahat ng mga probinsya natin sa Pilipinas na pinatakbo ng political dynasty for a long, long time ay mas humirap ang kalagayan ng mga tao hanggang ngayon," paghahayag ng pari.

Samantala, naniniwala naman si Lipa Archbishop Ramon Arguelles na kailangan na umanong baguhin ang sistema sa bansa dahil animo'y anay umanong gumagapang ang korapsyon bunsod ng pamamayagpag ng political dynasty.

"Kontrolado nila ang ekonomiya, ang pagnenegosyo, mga projects. Hindi naman nag-umpisa sa highest level ang political dynasty. Karamihan sa mayor muna, konsehal, gobernador, congressman.

Sila't sila ang nagpapalitan, mga magkakapatid, magkakamag-anak," pahayag ni Archbishop Arguelles.

Kaugnay pa rin dito, isinusulong naman ni Malolos Bishop Jose Oliveros ang people's initiative para kontrahin ang political dynasty sa bansa.

Nilinaw ng obispo na puwedeng magkaroon ng people's initiative para magkaroon ng enabling laws at magagawa ito kung idadaan sa signature campaign at kinakailangang makakuha ng 20 porsyento ng kabuuang bilang ng mga botante.